सुर्खेत । कर्णालीका मुख्यमन्त्री राजकुमार शर्मा र नेपाल कम्युनिस्ट पार्टी (नेकपा) का महासचिव नेत्रविक्रम चन्द ‘विप्लव’बीच भेटवार्ता भएको छ । मंगलबार वीरेन्द्रनगरको एक होटेलमा दुई नेताबीच भेटवार्ता भएको हो ।
मुख्यमन्त्री शर्मा विप्लवलाई भेट्नका लागि उनी बसेकै होटेलमा पुगेका थिए । उनीहरूबीच समसामयिक विषयमा कुराकानी भएको बताइएको छ । महासचिव विप्लवले पनि शर्मासँग वर्तमान राजनीति परिघटना र १० वर्षे जनयुद्धका बेलामा भए गरेका गतिविधि’bout नै कुराकानी भएको रातोपाटीलाई बताए । उनले जनयुद्धताका आफूले कर्णाली चहारेको कुरा पनि स्मरण गरे ।
मुख्यमन्त्री शर्माले पनि जनयुद्धमा कर्णालीका विभिन्न जिल्लाको नेतृत्व गरेका थिए । विप्लव सोमबार पूर्व सुर्खेतको दशरथपुरमा आयोजित एक कार्यक्रममा सहभागी हुनका लागि सुर्खेत आएका थिए । उनी मंगलबार दिउँसो सुर्खेतबाट कपिलवस्तु गइसकेका छन् ।
