फुलेको फूल झैं हो जीवन बास्ना छर्न सकु।
जस्तो कठोर मनलाई पनि प्रेम गर्न सकूँ।।
एउटा सिंगो विश्वमाझ अस्तित्व बनाएर
जस्तो कठिन परिस्थिति आए पनि तर्न सकु।
विश्वास न हो आफ्नोपन दिलाउने आधार
विश्वासले नै तिम्रो खुशीको घडा भर्न सकु।
रोजे जस्तै नभए नि सोचे जस्तो बनाउनु छ
आफ्नो भाग्य आफैले गोडमेल गरेर चर्न सकु।।
न दिएर रित्तिन्छ माया, न मागेर पाइन्छ
तिमी नै सुरु तिमी नै अन्तिम यसैमा मर्न सकु।
शारदा चौलागाई चन्द्रा, काठमाडौं
