धनुषा । चुनाव विरोधी गतिविधि गरेको आरोपमा सिके राउत पक्राउ परेका छन् ।
उनलाई जनकपुरस्थित डेराबाट बिहान पक्राउ गरेको जिल्ला प्रहरी कार्यालय धनुषाले जानकारी दिएको छ । उनले टेलभिजनमा प्रत्यक्ष प्रसारणमार्फत् मधेसका जनतालाई चुनावमा सहभागी नहुन आह्वान गर्दै थिए । प्रत्यक्ष प्रसारणमा रहेकै बेला उनलाई प्रहरीले पक्राउ गरेको हो ।
राउतको स्थायी घर सप्तरी भएपनि उनी जनकपुरमा डेरा गरेर बस्दै आएका छन् । सिके राउतले मधेसमा भोट बहिस्कार गर्ने अभियान चलाउँदै आएका थिए ।
